Patuloy na nadaragdagan ang lebel ng tubig sa Angat dam sa nakalipas na magdamag.
Batay sa datos mula sa PAGASA kaninang 6:00 ng umaga, pumalo na sa 195.55 meters ang lebel ng tubig sa Angat.
Mas mataas ito kumpara sa 195.34 meters na naitala sa kaparehong oras nitong araw ng Sabado, Disyembre 7.
Maliban sa Angat, tumaas din ang lebel ng tubig sa iba pang mga dam tulad ng La Mesa, Ambuklao, Binga at Pantabangan.
Habang nabawasan naman ang lebel ng tubig sa mga dam San roque, Ipo, Magat at Caliraya.
