Imposible na umano ang malakihang media coverage sa huling State of the Nation Address (SONA) ni Pangulong Rodrigo Duterte sa Hulyo 26.
Ito ang inihayag ni House Speaker Lord Allan Velasco ay bunsod pa rin ng mga umiiral na health and safety protocols laban sa COVID-19 pandemic.
Ayon kay Velasco, tanging ang government channel na PTV at RTVM ang siyang papayagan na makapasok sa loob ng batasang pambansa at dito na lang maghu-hook up ang lahat ng istasyon.
Samantala, sinabi ng House Speaker na nadagdagan pa ng 50 ang mga bisitang papayagang makapasok bukod pa sa 40 senador at 100 o mahigit pang mga mambabatas mula sa kamara.
