Isang lalaking Tongan ang nakaligtas sa tsunami matapos umanong lumangoy ng tinatayang 27 oras.
Kinilala ang survivor na si Lisala Folau, 57 anyos.
Ayon kay Folau, umakyat siya sa isang puno para takasan ang tsunami ngunit nang makababa siya ay tinangay siya ng isang malaking alon.
Magugunita na sa pagputok ng Bulkang Hunga Tonga-Hunga Ha’apai noong Sabado ay hindi bababa sa tatlong tao ang nasawid, dulot ng tsunami waves sa buong kapuluan.
Sinabi ni Folau na patuloy siyang lumulutang at dahan-dahang nakalangoy ng 7.5 kilometers patungo sa pangunahing isla ng Tongatapu. —sa panulat ni Mara Valle