Bago gumawa ng anumang opisyal na hakbang, makabubuting alamin muna kung totoo ang impormasyon na ginagawang tapunan ng human waste ang West Philippine Sea (WPS) ng mga chinese vessel na matagal na nakahimpil doon.
Ito ay ayon kay Senator Panfilo Lacson dahil isa itong seryoso at sensitibong isyu kung saan ang bansang sangkot ay kapit-bahay natin sa Asya na mayroon tayong 50 diplomatic relations.
Ayon kay Lacson kanyang bina-validate ang isang kahalintulad na litrato na na-publish noong 2014 kung saan ay Australian at hindi Philippine Waters ang sangkot.
Sinabi naman ni Senator Risa Hontoveros na kung totoo man ang naturang alegasyon ng US-based firm, dapat makumpirma ito ng ating gobyerno para may sarili tayong datos sa kung ano na nga ba ang patuloy na sinisira ng Tsina sa ating karagatan.
Hanggang ngayon, wala pa aniyang baseline na report mula sa Department of Environment and Natural Resources tungkol sa kung ano na ba ang halaga ng mga nawala at nawasak na likas-yaman sa West Philippine Sea.
Mas mainam ayon kay Hontiveros kung ang DENR mismo may opisyal na report ukol sa kung magkano nga ba ang dapat bayarang danyos ng China.
Maaari aniya itong magsilbing pamantayan ng ating pagsingil sa patuloy na pagmamalabis ng Tsina.
Pero una rito sinabi nina Defense Secretary Delfin Lorenzan at Foreign Affairs Secretary Teddy Boy Locsin na walang katotohanan ang impormasyong ginagawang tapunan ng China ng human waste ang WPS. —ulat mula kay Cely Bueno (Patrol 19)