Handang sumama sa mga kilos protesta si Senator Panfilo “Ping” Lacson kontra sa Anti-Terrorism Bill sakaling mapatunayan na tadtad ito ng pang-aabuso.
Sa kaniyang pahayag sa social media, sinabi ng senador na hindi niya hahayaang malapastangan ng sinumang mambabatas ang binalangkas nilang batas na lalaban sa terrorismo.
Ginawa ng senador ang pahayag bilang pagtitiyak sa mga Pilipino na ginagarantiya nito ang karapatang pantao at tanging nakalaan lang sa paglaban sa mga terorista ang nasabing batas.
Magugunitang umani ng pagtutol ang iba’t ibang grupo laban sa nasabing batas sa pangambang gamitin ito ng mga alagad ng batas para abusuhin at patahimikin ang mga kritiko ng administrasyon.
