Kinumpirma ni Presidential Spokesman Harry Roque na si Labor Underscretary Dominador Say ang pinatutungkulan ni Pangulong Rodrigo Duterte na opisyal na nakatakda nitong sibakin sa puwesto.
Gayunman, wala na aniyang nangyaring sibakan matapos na unahan ito ni Say at magbitiw sa kanyang tungkulin.
Sinabi ni Roque na dahil sa korupsyon kaya’t ninais ng Pangulo na tanggalin sa puwesto ang naturang Labor Undersecretary.
“He would have been fired…(due to) corruption relating to activities of labor recruiters, “I was told already that he was the next on the chopping block.”
“I was just awaiting orders when to announce it, but I did not have to announce it because he resigned. But it was important still to say it because in his resignation letter, he said it was a matter of differences over endo.”
Samantala, ipinauubaya na ng Palasyo ang posibleng paghahain ng kaso laban kay Say.
—-
