Nanindigan si Labor Secretary Silvestre Bello the Third na hindi siya magbibitiw sa puwesto.
Kasunod na rin ito nang paghahain ng resignation ni Justice Secretary Vitaliano Aguirre na tinanggap na ng Pangulong Rodrigo Duterte.
Sinabi ni Bello na wala siyang planong sumunod kay Aguirre lalo nat wala siyang ginagawang mali sa kagawaran.
Kasabay nito hinamon ni Bello ang sinumang nag aakusa sa kaniya na patunayan ang paratang na mayruon siyang pinapaboran sa sektor ng negosyo.
Gayunman inamin ni Bello na isang Kongresista ang nagtankang manuhol sa kaniya ng Limang milyong Piso para paboran ang isang kaso subalit tinanggihan niya ito.
Mayruon din aniyang nagbigay sa kaniya ng birthday gift na pabango na may kasamang Sampung libong Dolyar na kaniya namang isinauli.
