Narekober na ang bangkay ng dalawa pang turistang tinangay ng malakas na agos ng ilog sa kasagsagan ng flashfloods sa bayan ng Majayjay, sa Laguna.
Ayon kay Senior insp. Marcelino Marcial, hepe ng Majayjay police, natagpuan kahapon ang katawan nina Vanessa Carillo at Bryan Alemania.
Nakita anya ang katawan ni Carillo sa barangay Bakia sa Majayjay habang sa isang bahagi ng ilog sa karatig bayan ng Magdalena natagpuan si Alemania.
Noong Lunes narekober naman ang katawan ng Anim na taong gulang na anak ni Bryan na si Christine Althea Alemania o pitong kilometro mula sa Dalitiwan Resort sa barangay Ilayang Banga.
Pawang guest sa naturang resort ang tatlo nang rumagasa ang flashfloods sa Dalitiwan River dulot ng malakas na ulan noong Linggo.
By: Drew Nacino
