Paiimbestigahan na ng Senado ang nararanasang kakapusan sa supply ng tubig sa Metro Manila at lalawigan ng Rizal.
Ayon kay Senate President Tito Sotto III, dapat na malinawan ang lahat kung ano ang dahilan ng kakapusan ng supply at kung bakit magkakasalungat ang mga pahayag mula sa mga water concessionaires.
Iginiit naman ni Senador Sonny Angara na nakababahala ang naturang problema lalo’t maraming mamamayan ang apektado ngayon ng kawalan ng tubig.
Samantala, naghain naman ng resolusyon sa Mababang Kapulungan ang Bayan Muna para paimbestigahan sa House Committee on Government ang krisis ngayon sa supply ng tubig.
—-
