Top donor sa kampanya ni Vice President elect Leni Robredo ang TV host/actress na si Kris Aquino.
Nakasaad sa Statement of Contribution and Expenditure o SOCE ni Robredo na kabuuang 30.8 Million Pesos ang idinonate ng nakababatang kapatid ni outgoing President Noynoy Aquino.
Habang ang isa pang kapatid ng presidente na si Viel Aquino-Dee ay nag-donate ng Isang Milyong Piso.
Umaabot naman sa Isandaan at Dalawampu’t Limang indibidwal ang nagbigay ng kanilang donations na nasa pagitan ng Isang Milyon hanggang Limang Milyong Piso.
Bukod dito, nakatanggap din si Robredo ng Labing-Pitong Milyong Pisong in-kind contributions.
By: Meann Tanbio
