Hindi inangkin ni Pangulong Rodrigo Duterte ang kredito sa tinanggap na pagkilala ng bansa kasunod ng ulat na ang Pilipinas ang nangunguna sa mga mainam na paglagakan ng negosyo sa buong mundo.
Ayon kay Presidential Communications Secretary Martin Andanar, bago ang cabinet meeting ay personal niyang nilapitan at binati si Pangulong Duterte dahil sa tiwalang nakuha ng Pilipinas mula sa iba’t ibang bansa.
Gayunman, hindi anya tinanggap ng Pangulo ang kanyang pagbati dahil ayon sa punong ehekutibo ay mas dapat bigyan ng papuri ang mga kawani ng pamahalaan at mga taumbayan na naniwala at sumuporta sa mga isinusulong na programa ng kanyang administrasyon.
Idinagdag ni Andanar na ang nakamit na pagkilala ng bansa ay panalo o tagumpay ng bawat Pilipino.
Drew Nacino / Jopel Pelenio / RPE
