Mariing itinanggi ng Korean Embassy na may kaugnayan sa ‘mafia’ ang sinuman sa kanilang mga personnel.
Maliban dito, wala rin umanong katotohanan na hiniling ng mga opisyal ng embahada kay Justice Secretary Vitaliano Aguirre na itigil na ang imbestigasyon sa criminal organization.
Matatandaang nakipagpulong kay Aguirre ang consul-general ng Korean embassy at isang Police Attache, kasama ang may-bahay ni Jee Ick-Joo na si Choi Kyung-Jin.
Subalit, nilinaw ng embahada na ang pakay lamang ng pagpupulong ay para linawin ang sinasabing kaugnayan ni Jee sa Korean Mafia dahil isa naman umano itong lehitimong negosyante.
By Jelbert Perdez
