Nagkaroon ng impeksiyon sa kaliwang braso si presidential candidate at dating senador Ferdinand “Bong-Bong” Marcos Jr..
Ito ay matapos makalmot ng isang netizen sa isinagawang caravan sa Cavite.
Nilinaw naman ni Atty. Vic Rodriguez ang tagapagsalita ng kampo ni BBM na hindi umano iniiwasan ni Marcos ang pakikipag-kamay sa panahon ng campaign sortie kundi pinoprotektahan lamang niya ang sugat sa kaniyang braso na malapit sa kaniyang pulso.
Sa kabila nito, nagpasalamat si Rodriguez sa lahat ng mga taong patuloy na sumusuporta sa laban ni Marcos. —sa panulat ni Angelica Doctolero
