Pinagpapaliwanag ng Department of Transportation o DOTr ang kumpaniyang Busan Universal Rail Incorporated o BURI na siyang service provider para sa Metro Rail Transit (MRT) Line.
Ito’y makaraang isilbi na ng DOTr sa BURI noong Martes ang notice to terminate dahil sa kabiguan nitong maghatid ng tama at epektibong serbisyo sa mga tren ng MRT.
Binigyang – diin pa ng DOTr na maliban sa kabiguan ng BURI na tiyaking sapat ang bilang ng mga tumatakbong tren dahil sa sunud-sunod na aberya, bigo din itong makabili ng mga maayos na spare parts na kaya’t laging nasisiraan ang mga tren.
Binigyan ng pitong (7) araw na palugit ng DOTr ang BURI para makapagsumite ng kanilang sagot at paliwanag kung bakit hindi dapat tapusin ang pinasok na kontrata sa kanila ng pamahalaan.
Sakaling makapagsumite na ng sagot ang BURI, mayroon namang sampung (10) araw ang DOTr para pagpasyahan at aksyunan ang nasabing usapin.
