Pumanaw na ang isang konsehal sa Negros Oriental dahil sa coronavirus disease 2019 (COVID-19).
Ito ang ini-anunsyo ni Governor Ruel Degamo ngayong Linggo, ika-15 ng Marso.
Bumisita rin umano ang 64-taong gulang na town councilor sa Greenhills sa San Juan City at dumalo sa Philippine Councilors League convention sa SMX Convention sa Pasay City.
Ayon sa provincial health office, una itong na-admit sa Allied Care Experts Dumaguete Doctors, Inc. at inilipat din sa Silliman University Medical Center.
Magugunitang madalas ding magtungo sa isang prayer hall sa Greenhills ang 62-taong gulang na COVID-19 patient at ikinokonsiderang kauna-unahang local case ng virus sa bansa.
Samantala, nagpalabas na rin ng pahayag ang pamunuan ng Greenhills kaugnay sa pansamantalang pagpapasara ng Greenhills mall simula ngayong Linggo bilang hakbang kontra COVID-19.
