Nadagdagan pa ang mga kongresista na tumututol sa appointment ni Health Secretary Paulyn Ubial sa Commission on Appointments (CA).
Kasunod na rin ito nang paghahain ng reklamo sa CA ni ACTS OFW Partylist Representative Aniceto John Bertiz.
Sinabi ni Bertiz na bigo si Ubial na masolusyunan ang reklamo kontra sa kumpanyang Winston Q8 kung saan nire-require na magpa-medical test ang lahat ng OFW na tutungong Kuwait.
Ayon kay Bertiz, mahal sumingil ang nasabing kumpanya na kumikita aniya ng P6-M kada araw.
Iginiit naman ni Kabayan Party List Representative Harry Roque na isa sa mga humaharang sa kumpirmasyon ni Ubial ang pagdedeklarang iligal ng korte suprema ang monopolya sa health services.
By Judith Larino
