Tuloy ang kampanya ng Bureau of Jail Management and Penology (BJMP) laban sa iligal na droga.
Ito ang tiniyak ni BJMP Chief, Jail Director Allan Iral bilang suporta sa war on drugs ni Department of the Interior and Local Government (DILG) Secretary Benhur Abalos.
Ayon kay Iral, magpapatuloy ang kanilang pakikipag-tulungan sa Philippine Drug Enforcement Agency (PDEA), Philippine National Police (PNP) at iba pang drug advocates sa pagpapatupad ng giyera kontra droga.
Maka-aasa naman anya ang publiko na lilinisin nila ang kanilang mga pasilidad at walang ititirang bakas ng droga sa pamamagitan ng joint greyhound operations at regular drug testing sa lahat ng BJMP personnel at bilanggo. – sa panulat ni Hannah Oledan
