Ipinagtanggol ng komedyanang si Kitkat ang aktres na si Arci Muñoz.
Ito ay matapos na makatanggap ng mga pamba-bash si Arci dahil sa umano’y pagpapasailalim nito sa enhancement surgery kung saan kumalat ang mga larawan nito na tila nag-iba ang itsura.
Sa Instagram post sinabi ni Kitkat na walang karapatan ang sinuman na maliitin ang ibang tao dahil pare-pareho lang aniyang nasasaktan ang lahat.
Ayon pa kay Kitkat, isa siyang proud retokada kung saan inamin niyang nagpagawa siya ng ilong at nagpadagdag ng dibdib.
Aniya, walang karapatan ang mga bashers na pagsalitaan ng hindi magaganda si Arci dahil sa pagbabago ng mukha nito.
Patutsada pa ni Kitkat, kahit ano pa man aniya ang sabihin ng mga bashers ay higit na maganda pa rin si Arci sa mga ito at ang pangba-bash ay lalu pang ikapapangit ng mga ito.
Matatandaang nitong Lunes lamang ay may isang netizen ang nagkomento sa larawan ni Arci at sinabing nakakakilabot ang labi nito.
By Krista de Dios
