Nanindigan ang suspected drug lord na si Kerwin Espinosa sa testimonya nito kontra kay Senadora Leila de Lima.
Ito ay sa kabila ng hindi pagkakatugma ng testimonya ni Espinosa sa naging salaysay naman ng driver/bodyguard ni De Lima na si Ronnie Dayan.
Ayon sa abogado ni Espinosa na si Atty. Leilani Villarino, magsasama sila ng iba pang testigo sa pagharap ng kanyang kliyente sa Senado upang patotohanan ang mga pahayag ni Kerwin.
Imposible din aniya ang sinasabi ni Dayan na 2014 nagbigay si Espinosa sa kanya ng pera para sa kampanya ni De Lima dahil sa 2015 pa nang magdeklara ang noo’y Justice Scretary na tatakbo ito sa pagka-senador.
Sa Lunes ay maghaharap sina Espinosa at Dayan sa Senado upang linawin ang mga di nagkakatugmang pahayag ng mga ito kontra kay De Lima.
By Ralph Obina
