Nakatitiyak si Senador Manny Pacquiao na isang malaking bomba ang pasasabugin ni Kerwin Espinosa sa kaniyang nakatakdang pagharap sa pagdinig ng senado sa Miyerkules.
Inihayag ito ng senador makaraang bisitahin nito si Kerwin sa PNP Custodial Center sa Kampo Crame matapos itong maka-uwi sa bansa nuong isang Linggo.
Ayon kay Pacquiao, nakagugulat ang mga isiniwalat sa kaniya ni Espinosa ngunit mas makabubuting hintayin na lamang ito.
Lahat aniya ng mga ibinunyag ni Espinosa sa kaniya na siyang sasabihin nito sa pagdinig ng senado ay nakapaloob sa kaniyang affidavit na gagawin ngayong araw na ito.
By Jaymark Dagala
