Nananatiling walang testigo sa kaso ng pagpaslang sa mag-asawang Melvin at Meriam Odicta.
Dahil dito, ayon kay Region 6 police director, Chief Superintendent Jose Gentiles, hindi pa rin umuusad ang naturang kaso.
Una nang sinabi ni Gentiles na umaasa silang mayroong maglalarawan sa suspect na gumamit ng kalibre kwarenta’y singko batay sa tatlong basyo ng bala, magazine, at tatlong ammunition na nakuha sa pinangyarihan ng krimen.
Binaril ang mag-asawang Odicta noong August 29 pagkadaong na pagkadaong ng kanilang sinakyang RORO sa Caticlan Jetty Port.
Pinaslang ang mag-asawang Odicta isang araw matapos nilang sumuko kay DILG Secretary Mike Sueno dahil sa mga umano’y banta sa kanilang buhay dulot ng pagkakadawit sa iligal na droga.
By: Avee Devierte
