Posibleng ma-operahan muli ang aktor na si Christopher de Leon matapos ma-confine sa intensive care unit (ICU) ng Asian Hospital.
Isang buwan ito matapos isugod sa parehong ospital para sa operasyon ng binti ni Christopher dahil sa pumalpak na blank bullet sa baril na ginamit sa ginagawa nitong teleserye.
Sinasabing nawalan ng malay ang aktor dahil sa blood infection at dumanas pa ng seizure noong Martes.
Ayon sa mga doktor, kailangang gumaling kaagad ng aktor bago pa kumalat sa buong katawan nito at posibleng dalawang buwan hindi muna maaaring makapagtrabaho ito.
Iyak naman ng iyak ang maybahay ng aktor na si Sandy Andolong dahil sa takot sa sitwasyon ng kaniyang asawa.
—-
