Binigyan umano ng TV host na si Willie Revillame ang girl group na Fourth Impact ng Isang Milyong Pisong pambili ng sasakyan.
Guest ang naturang girl group kahapon sa TV show na Wowowin ngunit hindi pinalad ang grupo ng Cercado Sisters na sina Almira, Celina, Irene, at Mylene na manalo sa segment na pera o kahon.
Gayunpaman, nang malaman umano ng TV host na wala pa ring napupundar na sasakyan ang magkakapatid sa kabila nang lagi nilang pagtatangghal, naantig ang damdamin nito kaya nagsabi itong bibigyan sila ng pera pambili ng sasakyan.
Paliwanag kasi ng magkakapatid, sinusuportahan nila ang kanilang pamilya at nag-iipon ng pampagamot sa kanilang amang may sakit.
Dagdag pa nila, kahit 5th placer sila sa X-factor UK, wala naman silang naiuwing premyo.
By: Avee Devierte
