Ibinasura ng Korte ang kasong isinampa ng Mighty Corporation laban sa Bureau of Customs.
Kaugnay ito sa hakbang ng nasabing kumpanya ng sigarilyo na itigil ng BOC ang pag raid at pag inspeksyon sa kanilang mga bodega.
Sa resolusyong ipinalabas ni Judge Noli Diaz ng Manila RTC sinabi nitong walang hurisdiksyon ang nasabing Korte sa pag kuwestyon ng Mighty Corporation sa isinagawang raid sa apat na warehouse nito sa loob ng San Simon Industrial Park sa San Isidro, Pampanga.
Tumanggi ang korte na magpalabas ng preliminary injunction para mapalawig pa ang 20 araw na TRO na una nang ipinalabas ni Manila RTC Judge Tita Bughao Alisuag.
Nagtapos na nitong nakalipas na araw ng Huwebes ang TRO.
By: Judith Larino
