Pasok na ang NBI o National Bureau of Investigation sa nangyaring pagkalas ng bagon ng MRT-3 noong Huwebes.
Ayon kay Transport Undersecretary for Railways Cesar Chavez, tinitignan ng NBI ang posibleng pananabotahe kaya nangyari ang naturang insidente na naging dahilan para maglakad sa track ang mga pasahero.
Titingnan ang posibilidad na nagkaroon ng human intervention kaya kumalas ang bagon.
Iginiit naman ni MRT Operations Director Michael Capati na nanatiling ligtas ang pagsakay sa MRT sa kabila ng mga aberya dito.