Pumalo sa mahigit na 5,000 ang naitalang panibagong kaso ng mga indibidwal na dinapuan ng COVID-19 sa Pilipinas.
Sa inalabas na datos ng Department of Health (DOH), naitala ang 5,651 na mga bagong kaso ng virus, dahilan para umakyat ang kabuuang bilang nito sa 1,513,396.
5,332 naman ang naidagdag sa bilang ng mga naka-recover sa virus, kaya’t 1,439,049 na ang bilang nito.
26,786 naman na ang bilang ng mga nasawi sa COVID-19 matapos itong madagdagan ng 72.
