Sumampa na sa 1,209,154 ang kabuang bilang ng dinapuan ng COVID-19 sa bansa batay sa pinakabagong tala ng Department of Health (DOH) ngayong Biyernes.
Ito ay matapos makapagtala ng 8, 748 na bagong kaso ngayong araw at 53,770 naman ang bilang ng aktibong kaso.
Samantala, 3,017 ang nadagdag sa bilang ng mga gumaling dahilan upang umakyat sa 1,134,818 ang lahat ng nakarekober sa naturang virus.
Habang 187 naman ang nasawi ngayong araw kaya’t lumobo na sa 20,556 ang bilang ng lahat ng nakitil ng COVID-19 sa bansa.
