Nagkasalubong sina Karylle at Marian Rivera, misis ng kanyang ex-boyfriend na si Dingdong Dantes sa isang event.
Ito ang ibinunyag ni Vice Ganda sa kanilang noon time show na It’s Showtime.
Kwento pa ni Vice, kasama ni Marian ang asawang si Dingdong nang makita si Karylle.
Paglalahad ni Karylle ay wala namang masamang nangyari sa kanilang pagkikita ng Kapuso actress at sa katunayan ay nag–beso-beso pa sila.
Hindi naman kinuwento ni Karylle kung binati din nito ang dating kasintahan na si Dingdong.
Nobyembre noong 2008 nang kumpirmahin nina Dingdong at Karylle ang kanilang paghihiwalay pagkatapos ng tatlong (3) taong relasyon.
Ito ang taon kung saan natapos umere ang teleseryeng Marimar kung saan unang nagtambal sina Marian at Dingdong.
Sa ngayon ay masaya na rin sa kanyang married life si Karylle sa asawang bokalista na si Yael Yuzon.
