Inihayag ni Department of Health Undersecretary Maria Rosario Vergeire na kailangan ng mga ospital ang mas maraming kama para sa mga pasyente na tinamaan ng Covid-19 kumpara sa ventilators at oxygen.
Ito’y dahil minomonitor nila ang ilang lugar sa bansa na walang sapat na Covid-19 beds kung saan mas marami aniya ang non-covid patients.
Sinabi pa ni Vergeire na hindi marami ang bilang ng mga pasyenteng nasa critical risk.
Dahil dito, ang paggamit aniya ng mga mechanical ventilators at oxygen ay hindi gaanong kailangan. —sa panulat ni Airiam Sancho
