Mahigit isa punto pitong milyon pang Astrazeneca Covid-19 vaccine doses ang dumating na sa bansa, kahapon.
Dakong alas kwatro ng hapon nang lumapag sa NAIA. Terminal 3, Pasay City ang Emirates Airlines Flight EK-332 na may kargang mga Astrazeneca vaccines.
Ang mga bakuna ay donasyon ng United Kingdom sa pamamagitan ng Covax facility.
Ayon sa National Taskforce Against COVID-19, dahil sa panibagong delivery, umabot na sa 5.2 million doses ang donasyong bakuna ng Britanya.
Sa pagtaya ng NTF, kabuuang 141, 606,240 vaccine doses na ang dumating sa Pilipinas simula noong Marso. —sa panulat ni Drew Nacino
