Patay sa pananambang ang kapatid ng dating Alkalde ng San Pablo City, Laguna na sinasabing sangkot sa iligal na droga.
Ayon kay Calabarzon-PNP Director Chief Supt. Valfrie Tabian, kinilala ang biktima na si Damaso Amante na kapatid ni dating san Pablo City Mayor Vicente Amante .
Sa inisyal na imbestigasyon, sakay ng kanyang kotse ang biktima nang pag babarilin ng mga ‘di pa kilalang suspek sa barangay Del Remedio San Pablo City.
Naisugod pa sa ospital si Amante, subalit idineklara itong dead on arrival.
Patuloy na iniimbestigahan ng San Pablo City Police ang motibo sa naturang pananambang.
By: Meann Tanbio / Jonathan Andal
