Sinalakay ng otoridad ang isang Chinese clinic na di umano’y nag-ooperate ng walang permit sa Barangay Baclaran sa Parañaque City.
Mayroong karatulang Chinese hospital sa labas ng gusali at may mga kama, upuan at lagayan ng mga gamot sa loob nito.
Ayon kay Barangay Chairman Jun Zaide, kahon-kahong gamot na karamihan ay injectables para sa HIV, std at dengue ang kanilang nakumpiska.
May mga gamot rin umano na para sa coronavirus disease 2019 (COVID-19) sa kabila ng wala pa namang aprubadong gamot para rito.
Walang naaresto ang otoridad at kasalukuyan pa umanong pinaghahanap ang may-ari ng clinic.
