Nakubkob ng militar ng militar ang kampo ng Guerilla Front Committee 51 ng New People’s Army o NPA sa Cotabato.
Ayon kay Army 39th Infantry Battalion Commanding Officer Lt. Col. Harold Argamosa, nakatanggap sila ng ulat hinggil sa presensya ng mga NPA na nanghihingi umano ng revolutionary tax sa mga sibilyan sa Makilala, North Cotabato.
Nang rumesponde ang mga awtoridad ay agad silang pinaputukan ng mga rebelde gamit ang matataas na uri ng armas.
Tumagal ng isang oras ang engkwentro sa pagitan ng tropa ng pamahalaan at mga rebelde.
Umatras ang mga miyembro ng NPA patungong Mount Apo nang matunugang paparating na ang dagdag-pwersa ng militar.
Wala namang nasugatan sa panig ng mga sundalo habang narekober naman sa lugar ang matataas na uri ng armas at mga pampasabog.
—-
