Bigo ang mga Pilipinong boksingero sa kanilang kampanyang makapasok sa 2016 Rio Olympics na gaganapin sa susunod na taon.
Ayon kay ABAP Executive Director Ed Picson, natalo ang last man standing na si Rogen Ladon sa semi final round ng World Boxing Championships kontra sa Russian boxer na Vasili Egarov.
Sinasabing naging dikitan ang laban sa pagitan nina Ladon at Egarov ngunit nakalamang ng isang puntos ang Russian boxer sa iskor na 28-29.
Una rito, hindi rin umubra ang Pinoy boxer na si Eumir Felix Marcial sa worlds number one na si Daniyar Yeleussinov ng Kazakhstan.
By Ralph Obina
