Isinusulong sa kamara na masakop na sa coverage ng Government Service Insurance System (GSIS) ang mga opisyal ng barangay.
Layon ng House Bill 2294 na inihain ni 6th District Rep. Faustino Inno Dy, na amyendahan ang RA 8291 o ang Government Service Insurance System Act of 1997.
Kabilang sa mga isasama sa coverage ng GSIS ang mga punong barangay, barangay kagawad, barangay secretaries at barangay treasurers.
Iginiit ni Dy na napakalaki ng papel ng mga opisyal ng barangay kaya’t marapat lang aniya na sila ay makatanggap ng maayos na benepisyo.
