Inaalam na ng Department of Foreign Affairs o DFA kung may mga Filipino na kabilang sa mga biktima ng pamamaril sa Las Vegas, Nevada sa Estados Unidos na ikinasawi ng halos 60 katao at ikinasugat ng mahigit 500.
Ayon kay Foreign Affairs Secretary Alan Peter Cayetano, tinututukan na ng Philippine Consulate General sa Los Angeles, California ang sitwasyon sa Las Vegas.
Nakikipagtulungan na rin aniya ang konsulada sa mga pulis upang alamin at i-monitor ang kalagayan ng mga Filipino community sa naturang lugar.
Nagpaabot na ng pakikiramay ang DFA sa pamilya ng mga biktima sa pinakamalalang mass shooting incident sa kasaysayan ng Amerika.
—-
