Arestado ang isang babaeng Chinese national matapos na buhusan ng taho ang isang pulis na nakatalaga sa Boni Station ng Metro Rail Transit Line 3 o MRT-3 sa Mandaluyong City kaninang umaga.
Kinilala ang babaeng Chinese na si Jiale Zhang, isang estudyante.
Ayon sa Department of Transporation o DOTr, pasado alas otso trenta kaninang umaga nang pigilan ng mga tauhan ng MRT ang babaeng chinese na makapasok ng istasyon at pinakiusapang ubusin muna ang dala nitong taho.
Gayunman, tumanggi ang nasabing Chinese at sa galit ay ibinuhos ang dala nitong taho kay PO1 William Cristobal na nagpapaliwanag lamang sa pagpapasok ng pagkain sa loob ng istasyon.
Agad namang dinala sa Shaw Boulevard Police Station sina Zhang at PO1 Cristobal para sa imbestigasyon.
Isinailalim na rin ito sa inquest proceedings, documentation at mug shot.
Batay sa ipinalabas na larawan ng National Capital Region Police Office o NCRPO, sasampahan ito ng kasong direct assault, disobedience yo agent of person in authority at unjust vexation.
