Tiniyak ng Presidential Security Group (PSG) ang kaligtasan ng kalusugan ni Pangulong Rodrigo Duterte laban sa coronavirus disease 2019 (COVID-19).
Ito’y matapos magpositibo sa nakahahawang sakit ang walong tauhan ng PSG na nakatalaga sa Office of the Executive Secretary.
Ayon kay PSG Commander Colonel Jesus Durante III, walang naging contact ang sa pangulo ang walong tauhan na nagpositibo.
Patuloy rin aniya ang mahigpit na pagpapatupad ng mga health protocols sa kanilang hanay at dependents ng mga ito.
Sinabi rin ni Durante na palaging sumasailalim sa COVID-19 test ang mga nakatalagang PSG personnel kay Pangulong Duterte upang matiyak na ligtas ang kalusugan ng punong ehekutibo.
