Nasamsam ng Bureau of Internal Revenue (BIR) at National Bureau of Investigation (NBO) ang kahon-kahong sigarilyo na may pekeng tax stamps sa isang warehouse sa dalawang barangay sa Cagayan de Oro City.
Ayon sa BIR-Region 10 Office, nakuha ang mga sigarilyo na may pekeng BIR stamp na nakadikit sa kaha sa barangay Bulua Diversion Road at barangay Cugman.
Napag alaman din na aabot na sa mahigit P882-milyon ang excise tax deficiency ng mga manufacturer ng naturang mga sigarilyo.
Sa ngayon ay iniimbestigahan na ng BIR kung sinu-sino ang manufacturer ng mga sigarilyo at consignee nito sa lungsod.
