Umarangkada na ang Kadiwa on Wheels program sa iba’t-ibang barangay ng San Juan City.
Pinangunahan ni san Juan City Mayor Francis Zamora, ang naturang programa sa tulong ng kadiwa truck upang maihatid ang abot-kayang halaga ng agricultural products sa mga residente ng lungsod.
Sa ilalim ng programa, maaring makabili ng hanggang tatlong kilo ng sibuyas ang mga residente na nagkakahalaga ng P170 per kilo.
Ang mga prutas at mga gulay naman ay mabibili sa mas murang halaga mula P15 hanggang P20 depende sa klase nito.
Ayon kay Zamora, malaking tulong sa mga residente ng san juan city ang mababang presyo ng mga pangunahing bilihin lalo na ngayong nagtaas na ang halaga nito sa mga pamilihan partikular na sa metro manila.
Pinasalamatan naman ni Zamora ang Department of Agriculture at Office of the President sa tulong at pakikipag ugnayan nito para masolusyonan at mapagaan ang gastusin ng mga pilipino.
