Inanunsiyo ng National Collegiate Athletic Association (NCAA) na suspendido na ang basketball player ng Jose Rizal University na si John Amores.
Ito ay matapos mag-amok si Amores sa kanilang laban kontra College of St. Benilde kahapon.
Maliban kay Amores, suspendido rin ng 2 laban sina CSB Mark Sangco at Chris Flores dahil sa pakikisangkot sa gulo, at sina William Sy at Ryan Arenal ng JRU dahil sa hindi karespe-respetong gawi.
Bago pa ang gulo, mayroon nang kinakaharap na kaso si Amores.
Ito ay matapos suntukin ni Amores si Mark Belmonte ng UP Fighting Maroons sa pre-seseason game noong Hulyo.
Dito nagtamo ng gum fractures, teeth dislocation at mouth lacerations si Belmonte na kailangan pang sumailalim sa operasyon.
Noong pang September 7 isinampa ang kaso sa Office of the Prosecutor sa Quezon City pero hindi pa umuusad.
