Bagamat bukas na muling maipagpatuloy ang peace talks, hindi naman sang-ayon si Communist Party of the Philippines founder Jose Maria Sison na gawin ang negosasyon sa Pilipinas.
Sa Faceboob post ni Sison, sinabi nitong, “totally unacceptable” umano ang pre-condition na ito ng pamahalaan dahil layun lamang daw nito na mailagay sa bulsa ng Duterte Administration ang National Democratic Front of the Philippines (NDFP) at ang buong proseso ng peace negotiations.
Matatandaang kamakailan lamang inatasan ni Pang. Duterte si Labor Sec. Silvestre Bello III na makipag-ugnayan kay Sison na nasa Netherlands matapos ang ilang buwang pagpapatigil sa usapang pangkapayapaan.
Sinabi pa ni Sison, na noon pang 2017 pinatay ni Pang. Duterte ang peace talks sa pagitan ng pamahalaan at komunistang grupo nang mag-isyu aniya ang Palasyo ng Proclamation No.360 na dahilan ng tuluyang pagkakabasura ng negosasyon.
