Inirekomenda ng Joint Task Force Bora ang pagkansela sa lahat ng mga isasagawang party sa sikat na Laboracay event ngayong taon.
Ito ang inihayag ni Tourism Undersecretary Kat de Castro batay na rin sa naging desisyon ng Department of Tourism (DOT), Department of Interior and Local Government (DILG) at Department of Environment and Natural Resources (DENR).
Dagdag ni De Castro, ito rin aniya ang nakatakdang irekomenda ng lokal na pamahalaan ng Aklan.
Ang Laboracay ay ang taonang malaking beach party sa Boracay island na dinadagsa ng mga lokal at dayuhang turista tuwing Labor day.
