Positibo ang China na mapapalawig pa ang kooperasyon nila sa Pilipinas para sa joint oil and gas exploration sa South China Sea.
Ito’y ayon kay Chinese top diplomat at state councilor Wang Yi matapos ang kanilang pagpupulong ni Foreign Affairs Secretary Alan Peter Cayetano kahapon.
Ayon kay Yi, umaasa silang pagmumulan ng pagkakaibigan at kooperasyon sa pagitan ng dalawang bansa ang plano lalo’t kapwa ito pakikinabangan ng mga mamamayan nito.
Sa panig naman ni Cayetano, gumagawa na sila ng paraan para makabuo ng isang legal framework na maglalatag ng isang pangmatagalang solusyon sa agawan ng teritoryo.
—-
