Silver ang buena manong medalyang nasungkit ng Pilipinas sa ikatlong araw ng pag-arangkada ng 30th Southeast Asian (SEA) Games, ngayong araw.
Ito ay matapos makuha ni Joey Delos Reyes ang silver medal sa men’s individual duathlon event na ginanap sa Subic.
Natapos ni Delos Reyes ang dualthlon o pagbisekleta at pagtakbo sa loob lamang ng isang oras 52: 55.
20 segundo lamang na nauna kay Delos Reyes ang pambato ng Indonesia na Jauhari Johan na siyang nakasungkit ng gintong medalya.
Habang nakuha naman ng Thailand ang bronze medal sa men’s individual duathlon.
Samantala, inaasahan namang lalaban pa si Delos Reyes sa mixed relay event sa Huwebes, Diyembre 5.
