Tila isang eksena sa pelikula ngunit sa totoong buhay ay nagpamalas ng kabayanihan ang Oscar winning actor/ singer na si Jamie Foxx matapos iligtas ang isang lalaki sa kanyang nasusunog na kotse.
Ayon sa California Highway Patrol Group nagmamaneho ng mabilis ang driver na kinilala bilang Brett Kyle nang sumalpok ang kotse nito sa isang konkretong drainage pipe.
Isa si Foxx sa mga nakasaksi sa aksidente at agad na tinulungan ang biktima kasama ng isa pang witness bago pa man tuluyang mag-apoy ang kotse nito.
Pinuri ang ginawa ni Foxx dahil sa panahon aniya ngayon ay mahirap nang humanap ng isang tao na handang tumulong sa mga ganoong sitwasyon.
Samantala, inaresto naman ang driver dahil sa pagmamaneho ng lasing.
