Nagpaliwanag ang sexy actress na si Ellen Adarna matapos na muli silang makitang magkasama ng aktor na si John Lloyd cruz na minsan na ring na-link sa kanya.
Ayon kay Ellen, nagkaroon lamang ng simpleng bonding session ang buong cast at crew ng sitcom na ‘Home Sweetie Home’ kung saan kabilang silang dalawa ni Lloydie.
Aniya, regular talaga silang nagkakaroon ng bonding session matapos ang taping ng kanilang sitcom at marami silang kasama.
Nang tanungin naman si Ellen kung nakikita niya bilang potential boyfriend si Lloydie ay pabiro itong sumagot ng oo pero hindi aniya ready ang aktor dahil pareho silang puno ng drama ang buhay.
Matatandaang na-link sa isa’t isa sina Ellen at John Lloyd matapos na magkasama sa isang bakasyon sa Ilocos Norte.
By Krista de Dios