Bali ang buto ng aktor na si Jake Cuenca matapos itong bumangga sa isang trak sa Mall of Asia sa Pasay kahapon.
Ayon sa tatay ni Jake na si Juanto Cuenca, bigla umanong nag- preno ang malaking trak na sinusundan ng bisikleta ni Jake kaya sumalpok siya dito.
Dahil dito, nagkaroon ng dalawang baling buto sa kamay si Jake at stitches sa kanyang mukha bukod pa sa trauma na kanyang inabot.
Sinabi pa ng tatay ni Jake na masugid ang ginagawang paghahanda ng aktor para sa sasalihan nitong triathlon competition.
Idinagdag na sa ngayon ay nakalabas na ng ospital si Jake ngunit nakatakdang sumailalim sa operasyon ngayong Biyernes dahil sa bone fracture.
By Rianne Briones
Photo: Screengrab from juancarloscuenca / Instagram
