Inaasahang aabot sa mahigit P335 million ang magiging jackpot prize sa Grand Lotto 6/55 na ibobola mamayang gabi, Hulyo a-4.
Nabatid na wala paring bettor ang nakahula sa 6-digit winning combination na 13-31-41-35-09-25 sa Lotto draw nitong Sabado ng gabi na may katumbas na jackpot prize na aabot sa mahigit P320, 667, 244.
Ayon sa Philippine Charity Sweepstakes Office (PCSO), mayroon 56 mananaya ang nakapag-uwi ng tig-₱100,000 bilang second prize para sa limang tamang numero; 3,260 naman ang nanalo ng tig-₱1,500 bilang third prize para sa apat na tamang numero habang 65,897 na bettor naman ang mayroong tig-₱60.00 na fourth prize para sa tatlong tamang numero.
Patuloy namang hinihikayat ng PCSO ang publiko na tangkilikin ang kanilang mga palaro, partikular na ang Lotto, upang magkaroon na ng tiyansang maging susunod na milyonaryo.
