Lalaki ang magiging panganay na anak nina Kaye Abad at Paul Jake Castillo.
Ito ang masayang inanunsyo ng mag-asawa sa idinaos na gender reveal party sa Cebu.
Sa isang Instagram post ay ibinahagi ng soon to be mom na si Kaye ang excitement para sa pagdating ng kanilang baby boy.
Anim na buwang buntis na ang 35-taong gulang na aktres na inanunsyo ang pagdadalang-tao noong July.
Ayon kay Kaye, pangarap niya talaga na magkaroon ng lalaking panganay na poprotekta aniya sa kanyang mga nakababatang kapatid.
Ikinasal sina Kaye at Paul Jake noong isang taon sa Cebu.
Congratulations!
